Ko wai mātau
Ko te IPCA anake te rōpū whai mana o Aotearoa e aroturuki ana i ngā Pirihimana. Mēnā he amuamu tāu mō ngā Pirihimana, ka āhei koe ki te haere mai ki a mātau.
He wehe kē mātau i ngā Pirihimana - he tino motuhake mātau i raro i te ture.
Ngā mea ka taea e koe te tuku amuamu
- Ngā mahi hē a ngā Pirihimana
- Ngā hapa a ngā Pirihimana
- Ngā tikanga, kaupapahere, tukanga hoki a ngā Pirihimana.
Ngā mahi kāore e taea e mātau
- Kāore mātau e tuku tohutohu ture, tuku paremata rānei
- Ehara mātau i te ratonga urupare ohotata - he roa te wā mō te tūhura amuamu
- Kāore e taea e mātau te noho hei māngai kōrero mōu
- Kāore mātau e tukatuka tono mō ngā tuhinga a ngā Pirihimana
- Kāore mātau e whiriwhiri i ngā amuamu e whakahē ana i ngā pānui takahi ikiiki.
Me pēhea te amuamu
Mēra - IPCA, PO Box 25221, Wellington 6140
Waea mai ki 0800 503 728 mēnā kei te hiahia tohutohu koe.
Te whakamahi i tētahi kaiwhakamāori reo
Ka taea e mātau te tuku kaiwhakamāori ki a koe i runga waea. He ratonga waea koreutu tēnei e kīia ana ko te Ezispeak.
- waea mai ki 0800 503 728 ka tono mō te Ezispeak
- whakamōhio mai he aha tō reo kōrero
- ka kīia atu koe kia tatari i runga waea - kaua e whakairi i te waea
- ka hono atu he kaiwhakamāori reo ngaio i runga waea, ko te tikanga i roto i te rua meneti hei āwhina i a koe ki te kōrero mai ki a mātau.
Ngā āwhina me ngā amuamu
Waea mai ki 0800 503 728 mēnā kei te hiahia āwhina koe.
Ka taea anō e koe te tiki āwhina mai i tētahi rōia, kaitautoko rānei, otirā he whaunaunga, hoa rānei.
Ko wai anō ka taea te āwhina
Ngā āwhina noa
He tuku mōhiohio me te āwhina koreutu, matatapu hoki Citizens Advice Bureau (CAB) me te āwhina i a koe i roto i ētahi atu reo mā Language Connect.
Haere ki te paetukutuku a CAB.
0800 367 222
language@cab.org.nz.
Ngā āwhina me ngā tohutohu
He tuku tohutohu ture koreutu ngā pokapū ture hapori me ngā āwhina.
Haere ki te paetukutuku a Community Law.